طريقة عمل التورتة بالكيكة الاسفنجية بالصور والخطوات تحضير التورتة مع التزيين

طريقة عمل تورتة شرح طريقة عمل التورتة بالشيكولاتة للمناسبات السعيدة بالصور والخطوات بيحبوا يعملوا التورته والجاتوهات في البيت عشان الأطفال اللي بيحبوها
Cake

 وتكون مغذية أكتر ومضمونة و طبعا أرخص بكتيرمن التورته الجاهزة
عشان كده تعالو خطوة خطوة وبالصور شرح تفصيلي لكيفية عمل تورته
أولا مقادير الكيكة الإسفنجية اللي حتعمل منها التورته
5 بيضات
1 معلقة فانيليا
كوب سكر
كوب دقيق و ربع ( في حالة كيكة الشيكولاته زي محنا حنعملها بإذن الله نشيل معلقة كبيرة دقيق ونضيف مكانها ملعقة كبيرة كاكاو )
ملعقة كبيرة بيكنج باودر
ثانيا مقادير حشو التورتة و التوبنج الخاص بيها
1 علبة قشطة ( المراعي مثلا أو أي نوع تحبية ) و ومن تريد إضافه علبة أخرى لطعم أو دسم أكثر فلا مانع .
1 باكو شيكولاته خام ( بس يا ريت تكون نوع حلو و كويس و متكونشي دلعة )
1 علبة مربى ( أي نوع جيد و تكون فراولة أو مشمش أو تين زي ما الأولاد يحبوا )
1 علبة كريم شانتي ( أي نوع و ددريم ويب كويس وبرضو الأنواع السائله بتدي طعم حلو ودسم )
قليل من اللبن
ثالثا:مقادير الشربات الخفيف
1 كوب سكر
1 كوب ماء
1 ليمونة
( طبعا كلنا عارفين الشربات بيتعمل إزاي عموما هو نحط السكر والمية على النار ولما يغلو نضيف عصير ليمونه و نسيبة يغلي شوية و إحنا موطين عليه لحد ما يدينا القوام المطلوب )
الطريقة :
1- أولا نولع الفرن على نار متوسطة قبل أي حاجة .
2- نجيب الصينية اللي حنحط فيها الكيكة وندهنا زيت ودقيق أو زبده ودقيق جيدا جدا عشان الخليط ميلزقشي في الصينية .
3- نضرب 5 بيضات مع ملعقة الفانيليا وحدهم أولا لمده لا تقل عن خمس دقايق بالمضرب الكهربي لحد ما الخليط يبقى كريمي اللون زي الصورة كده
ملحوظة: اللي معندهاش مضرب كهربا تضرب بالمضرب اليدوي وتزود الوقت شوية لحد ما توصل للنتيجة المطلوبة 



-أضيف كوب السكر أثناء الضرب وأستمر في الضرب .
5- بعد ما يعلى الخليط معايا أضيف الدقيق و البيكنج باودر شوية شوية عشان الخليط ميهبطشي و طبعا أضيف الكاكاو في حالة كيكة الشوكولاه زي الصورة كده

- أستمر في الضرب قليلا حتى يتمازج الخليط تماما
7- نصب الخليط في الصينية المدهونة ثم نضعه في الفرن على نفس النار المتوسطة
8-أثناء ذلك نبتدي نجهز التوبنج والحشو بتاعنا ,نقوم بعمل حمام مائي للشوكولاته الخام مع علبة القشطة كما في الصورة واللي عايزة تخففها بشوية لبن أوكي بس متزودشي .( على فكرة في قشطة قليلة الدسم في السوبر ماركتس وممكن برضو إستخدامها )

-مش المفروض نفتح على الفرن خالص طول ما الكيكة فيه وإلا حتهبط مننا , وحنعرف إن الكيكةإستوت تقريبا بعد من ربع لتلت ساعة في الفرن بعد ما نشم رأئحة الكيكة الجميلة , وعشان نتأكد إنها إستوت نغرس فيها سكين ولو طلعت نظيفه تكون الكيكة إستوت و نطفي عليها 












10-أهم جزء في الموضوع هو تحويل الكيكة لتورتة و المفروض إننا نستني على الكيكة لما تبرد خالص و بعدين نطلعها من الصينية و طبعا بإذن الله حتطلع معانا بسهوله عشان دهنين الصينية وبعدين واحده واحدة بالسكين بعد ما نبل نصلها بمية سخنة نقطع الكيكة 3 دسكات .
طبعا أهم حاجة إننا نمشي بالسكين براحة و كل شوية لما تحسي إنها جمدت في إيدك طلعيها من الكيكة و بليها بشوية مية سخنة .
وآدي أول دسك أهو

- نكرر العملية دي لحد ما يكون عندنا 3 ديسكات من الكيكة الإسفنجية و لو فرولت معاكي شوية من النص و لا يهمك شيلي كل المتفرول وأوعي ترمية في الآخر حقولك نعمل بيه إية .
12- إدهن الدسك الأول بشوية شربات خفيف أوي بس عشان يطريها شوية بالفرشة كده ( أوعو حد يغرقها شرابت يا بنات يا دوب تلميس كدة ), وبعدين نضيف مزيج الشوكولاته ونفرده عليه 

 
13-الدسك التاني نفرد عليه من المربى

 
14- الدسك الثالث نفرد عليه شوكولاه برضو و كده نكون خلصنا الحشو ( و ضروري بعد كده نظبط الحروف بالسكين عشان تعمل دايرة مظبوطة و البواقي اللي بنقطعها من الحروف برضو متترميش عايزينها
- نبتدي في التوبنج بأه و هنا بنغطي الوش كوله شوكولاه بطبقة سميكة شوية ( يعني الشوكولاه تكون سايله ونصبها فوق التورتة عشان تغطيها وتغطي الجناب كمان و على فكرة خلليكي حاطة التورته في طبق أوسع منها عشان اللي ينزل من الشوكولاه على الجوانب ويقع حقولك بعدين نعمل بيه إية .

16- نحطها في التلاجة شوية عشان تجمد .
17- طبعا نكون محضرين الكريم شاني ساقع في الثلاجة عشان ميسيلشي معايا ( طريقة عمله أكيد مكتوبه على العلبه وعموما لو بودرة بتدوب مع شوية لبن وتضرب بالمضرب )
18- أطلع التورته والكريم شانتي و نزوقها على كيفنا زي ما نحب

طبعا في مليون رسمة ممكن نزوق بيهم التورته وممكن نكتب على التورته اسم الأولاد مثلا أو تهنئه بنجاح أو عيد ميلاد زي ما تحبوا
19- نيجي للبواقي من تقطيع الحروف دي كولها تتحط في الطبق الكبير اللي نزلت فيه الشوكولاه وأنا بصبها على التورته و باقي الشوكولاه لو في و شوية مربى وباقي الكريمة لو في و شوية جوز هند لو في و كول ده بتهرس بالملعقة كويس جدا و حيديني خليط طعمة جميل والله جدا نحاول نعمله في شكل حلو يشد الأطفال


هنا أنا أستخدمت قطاعة البسكوت و عملتها قالب للخليط بتاع بواقي الكيكة ونحطة في التلاجة ( على فكرة ممكن يتعمل كور مثلا و يترش علية شوكولاه أو جوز هند بيبقى بجد جميل )