طريقة عمل البط بالبرتقال الطبخ بالخطوات

 طريقة طبخ البط بالبرتقال
 
 طريقة عمل البط بالبرتقال والعسل

  السلام عليكم ورحمة الله وبركاته كل عام وانتم بخير انهاردة جبتلكم اكله جميلة اوى وحلوة وتعتبر من الاكلات الجديدة الى اتعرفت فى مصر البط بالبرتقال
الكمية تكفي: 5 أشخاص
وقت التحضير: 60 دقيقة
وقت الطهي: 45 دقيقة
المقادير:
البط بالبرتقال
 بطة
3 جزرات
2 بصلات
2 بطاطس
كوب عصير برتقال
2 معالق عسل نحل كبيرة
ملح
فلفل
زعتر
1 زبادى
2 فص توم
تصنيف البط بالبرتقال : اطباق رئيسية, اكلات جديدة
طريقة عمل البط بالبرتقال
بطتنا الحلوه بعد غسلها كويس وعمل فتحات بالسكين
الخطوه دى مهمه متنسيش
هنحط الزبادى مع الملح والفلفل والزعتر وتوابل اللى تحبيها ونضربهم كويس
هتبلى البطه من الداخل والخارج كويس ودى من عندى الخطوه دى واهميتها انها تتبل كويس
ومتخدش وقت بالفرن اثناء التسويه
ممكن تعمليها من الصبح بدرى ويفضل من بالليل وتبات بالثلاجه (( انا عملتها من با الليل ))
حطيتها بعلبه وبيتها بالثلاجه
هتطلعى البطه من التتبيله وتسخنى صنيه كويس جدا على النار ويفضل من غير دهون لانها مش مستهله
وتدى للبطه صدمه بتشوحيها بكل الجوانب
وتطلعيها على جنب
الخضار بتاعنا والعصير يكون جاهز
الخضار متقطع جوانج ومعاهم برتقاله متقطعه
هتشوحى الخضار مكااان البطه بنفس الصنيه
وهتضيفى عصير البرتقال عليه يادوب بس يغلى
هتخدى الخضار تحشى بيه البطه من الداخل
الطبخ: هتغطيها بورق فويل وتدخليها الفرن على درجه حراره 240 شويه وبعدين توطى
ومش هتاخد ساعه حتى لان هنا سر تتبيلتها من بالليل
هتطلعيها بعد ساعه الا ربع تدهنيها بالعسل وباقى البرتقال بالكوب
وتشيلى الفويل وتسبيها تتشوا
هتحمر وتلمع جدا وشكلها كان تحفا والخضار كان واو

بالهنا