طريقة عمل كفته الفراخ بالصلصه ومكرونه اسباجتى
السلام عليكم ورحمة الله وبركاتة
اسمحولى اقدم لكم اليوم طريقة عمل الدجاج بطريقة الكفتة مع الصلصة المكرونة
الاسباجتى أكلة لذيذه من الأكلات السهله و السريعه , و بتدفى جدا ً فى الشتاء
خصوصا ً بليل و تقدرى تستمتعى بيها بأكتر من طريقه منها الاسباجتى بكفته الفراخ
الكمية تكفي:4 أشخاص
وقت التحضير:15 دقيقة
وقت الطهي:30 دقيقة
المقادير:لعمل كفتة الفراخ بالصلصة
صدر فرخه
بصله متوسطه
قرن فلفل اخضر ممكن حامى لو بتحبى الشطه
شوية كسبره وشبت بهارات (ملح , فلفل اسمر , جنزبيل , قرفه , كمون كسبره
ناشفه , بهارات لحمه ) من كل البهارات دى نصف معلقه صغيره ودى
مكونات الصلصة
نفرم 3 فصوص توم
3 حبات طماطم مضروبه فى الخلاط ( 2 ملعقة صلصة)
تحضير طهى الكفتة الدجاج
حنفرم كل ده مع بعضه فى الكبه وبعد الفرم لو حسيتى انها لينه بتلزق فى ايدك حطى
شوية بقسماط وقلبيها فى بعض كويس وبعدين كوريها زى كده
وبعدين عفرتها بالدقيق كده
الطبخ:
وبعد كده حمرتها فى الزيت
عمل الصلصه حنجيب حله على النار ونحط شوية زيت ونفرم 3 فصوص توم
ونحمرهم وننزل عليهم بطماطم معصورين ومعلقتين صلصه لحد ما يتسبك ونحط
نص معلقه صغيره فلفل اسمر وبهارات لحمه وشوية ملح صغيرين و حنزود شوية
مايه صغيرين وبعدين نحط الكفته ونقلبها ونهدى النار عليها اوى ونسبها عشر
دقايق
وبعدين نطفى وكده تبقى استوت
طريقة عمل المكرونه
حنسلق المكرونه ونحط فى المايه شوية ملح وشوية زيت وبعدين نصفيها ممكن
تقديميها علطول وعليها الكفته بس انا بحب اطعمها يعنى بجيب حله على النار واحط
معلقة سمنه صغيره وشوية زيت صغيرين واحمر فيهم فص توم مفروم ناعم اوى
وانزل بالمكرونه وشويه فلفل اسمر صغيرين واقلبها وهى النار
وبعدين احطها فى طبق التقديم واحط عليها الكفته وشوية بقدونس
ملحوظه
ممكن نقدم الكفتة الدجاج بالصلصه مع الارز الابيض
تصنيف طبق كفتة الدجاج بالصلصة : اطباق رئيسية ، طبخ اكلات جديده ، طرق
ليست هناك تعليقات:
إرسال تعليق